Cakaj nesër viziton Kosovën, pritet nga Konjufca
18 shkurt 2020
| 16:22
Ministria e Punëve të Jashtme dhe Diasporës ka njoftuar se ministri në detyrë për Evropën dhe Punët e Jashtme i Republikës së Shqipërisë, Gent Cakaj nesër ( e mërkurë) do të zhvillojë një vizitë zyrtare në Prishtinë.
Kjo ministri ka bërë me dije se ministri Cakaj do të pritet nga homologu i tij, Glauk Konjufca.
“Ministri në detyrë për Evropën dhe Punët e Jashtme i Republikës së Shqipërisë, Gent Cakaj, vjen për vizitë zyrtare në Prishtinë, ku do të pritet nga homologu i tij, ministri i Punëve të Jashtme dhe Diasporës i Republikës së Kosovës, Glauk Konjufca. Takimi mbahet të mërkurën (nesër), datë 19 shkurt 2020, ora 10:00, në ndërtesën e MPJ-së”, ka njoftuar ministria e cila drejtohet nga Konjufca.