Hulumtuesi i Institutit Demokratik të Kosovës (KDI), Eugen Cakolli, ka publikuar në rrjete sociale datat e mundshme për zgjedhjet lokale.

“Presidentja Osmani i paska ftuar subjektet politike në konsultime për caktimin e datës së zgjedhjeve lokale. Edhe pse kjo është brenda afatit ligjor, procesi ka mundur të iniciohej shumë më herët – prej muajsh për të pasur më shumë fleksibilitet dhe më shumë data në dispozicion. Tashmë kanë mbetur vetëm 7 të diela të mundshme (nga 14 sa ishin në total) kur mund të mbahen zgjedhjet lokale”, ka shkruar Cakolli në “Facebook”.