Cavani e shtyn për verë kalimin tek Atletico
27 dhjetor 2019
| 11:38
Sulmuesi Edinson Cavani nuk do të largohet nga PSG-ja në afatin kalimtar të janarit.
Edhe pse pak ditë më parë u fol për një akord mes sulmuesit dhe Atletico Madridit, një transferim i tillë mund të ndodhë, por vetëm në korrik. Drejtuesit e Atletico Madridit shpresonin që ta kishin Cavanin që në muajin janar, duke i paguar PSG-së një shumë simbolike, por ka qenë vetë sulmuesi ai që ka kërkuar ta respektojë kontratën që përfundon pikërisht në përfundim të këtij sezoni.
Edhe pse ka humbur vendin e titullarit pas transferimit të Mauro Icardit, Cavani sërish mbetet një idhull për tifozët dhe diçka e tillë duket se e ka shtyrë atë ta respektojë kontratën me kampionët e Francës.