Përzgjedhësi i Përfaqësues së Kosovës, Bernard Challandes e ka publikuar listën e futbollistëve të cilët do t’i ketë në dispozicion për dy ndeshjet e radhës në kuadër të kualifikimeve për “Euro 2020”.

Kosova përballet me Republikën e Çekisë, më 7 shtator në stadiumin “Fadil Vokrri” në Prishtinë dhe me Anglinë, më 10 shtator në “St. Mary’s Stadium” në Southampton. Stërvitja e parë e “Dardanëve” është më 2 shtator, në orën 18:00, në stadiumin e “Fadil Vokrri”.