Sekretarja e përgjithshme e PDK-së, Vlora Çitaku,  ka takuar të mërkurën presidentin e Këshillit Evropian, Antonio Costa.

Çitaku dhe Costa gjatë takimit kanë folur për Kosovën si dhe për sfidat e saj si shtet.

Ajo ka thënë se në prag të zgjedhjeve të 7 qershorit, ka riafirmuar bindjen e saj se Kosova duhet të vazhdojë rrugëtimin e saj me besim, stabilitet dhe partneritet të ngushtë me aleatët evropian.

Çitaku ka thënë se Kosova e ka vendin në Evropë dhe jo vetëm gjeografikisht, por edhe politikisht dhe institucionalisht.