Mesfushori i Barcelonës, Philippe Coutinho, i ka shtuar spekulimet për transferim pas deklaratave të tij të fundit.

“Është gjithmonë kënaqësi të luash me të. Kemi luajtur shumë kohë në ekipin e të rinjve të Brazilit. [Neymar] u bë lojtar i veçantë”, ka thënë Coutinho për “De Sola”.

“Të luash me të është gjithmonë kënaqësi, edhe pse nuk e kam pasur fatin ende në nivel të klubeve. Do të ishte shumë mirë të luaja me të në një klub”, është shprehur braziliani.

Këto komente të tij vijnë pas raportimeve se klubi i Neymar-it, Paris Saint-Germain, i është vënë pas ish-lojtarit të Liverpool-it.