Drita dhe Ballkani kanë luajtur baras në derbin e xhiros së 15-të në Albi Mall Superligë me rezultat 2-2. Ka qenë një ndeshje shumë e mirë me raste të shumta shënimi, por që në fund nuk solli fitues.

Trajneri i Ballkanit, Ilir Daja ka mbetur i kënaqur me pikën e fituar nga udhëtimi në Gjilan, duke folur edhe për mungesat që kishte.

“Kishim shumë mungesa dhe disa kishim frikë t’i aktivizonim për shkak të ndeshjeve të forta ku vetëm të premten u kthyem për t’u përgatitur për ndeshjen ndaj Dritës”.

“Me gjithë këto probleme dhe duke luajtur me Dritën që është liderë, është një rezultat pozitiv, pasi ruajmë distancën në katër pikë dhe duke llogaritur që kemi ndeshje ende në dispozicion që nuk i kemi kryer”.

“Kemi qenë dy herë në disavantazh dhe përgëzoj lojtarët për karakterin dhe personalitetin që kanë. Besoj se karakteri dhe personaliteti i tyre tregon se mund të bëjnë gjëra të pamundura”, ka thënë Daja pas ndeshjes.

Drita vazhdon në krye të tabelë me 31 pikë, katër më shumë se Ballkani që ndodhet në vendin e dytë me tre ndeshje më pak të zhvilluara.