Martesat nuk shkojnë gjithmonë ashtu siç planifikohen, por teksa shpërthimi i koronavirusit vazhdon të rritet, një dasmë u zhvillua pa praninë e dhëndrit dhe nuses.

Çifti nga Singapori, Joseph Yew dhe Kang Ting, u rikthyen nga një udhëtim në Kinë, pak ditë para martesës së tyre. Kur të ftuarit shprehën shqetësime për pjesëmarrjen, çifti gjeti një mënyrë për t’i qetësuar. Vetë çifti nuk mori pjesë në dasmë, por nëpërmjet një komunikimi direkt me video përshëndetën të ftuarit dhe mbajtën një fjalim, shkruan “BBC”.