David de Gea dëshiron që të sigurohet nga Manchester United sa iu përket politikave të transfereve para se të pajtohet për kontratë të re, sipas raportimeve të “Daily Mail”.

Pavarësisht situatës jo fort të mirë në “Old Trafford”, ai do të preferonte të mbetej te Djajtë e Kuq dhe jo të shkojë te Real Madridi pasi që mendon se ka një lidhje negative me disa mediume në vendlindje.

Sidoqoftë, gardiani i United bën pjesë te lojtarët të cilët kanë mëdyshje dhe brenga për punën e transferimeve.

Prandaj, ai dëshiron që të sigurohet se United ka një strukturë dhe platformë të nevojshme për të luftuar për tituj, para se ai të vendosë që të qëndrojë edhe më gjatë tek ta.