Dekani Millaku priti në takim komandantin e CIMIC-së në KFOR-in turk në Prizren

21 nëntor 14:18

Dekani i Fakultetit të Filologjisë në Universitetin “Ukshin Hoti” në Prizren, prof. dr. Shkelqim Millaku, të mërkurën ka pritur në takim komandantin për ndërlidhje ushtarako-civile (CIMIC) të KFOR-it turk në Prizren, Huseyin Ayvaci.

Dekani Millaku e ka njoftuar komandantin turk për të arriturat, sfidat dhe projektet për të ardhmen në Fakultetin e Filologjisë në UPZ.

Ai e ka falënderuar për mbështetjen që i kanë dhënë UPZ-së dhe shtetit të Kosovës KFOR-i turk, ambasada dhe shteti i Turqisë.

Dekani Millaku u shpreh mirëpritës për bashkëpunimin dhe mbështetjen e KFOR-it turk në projektet e ardhshme që ka ky fakultetit sidomos formimit të laboratorit të gjuhëve. Nga ana tjetër, komandanti Huseyin Ayvaci, e ka falënderuar dekanin për mikpritjen dhe u shpreh i gatshëm për mbështetjen e këtij fakulteti në kuadër të projekteve që kanë në Kosovë.

Lajme të sponsorizuara

Të fundit
Ministri i Punës dhe Mirëqenies Sociale (MPMS), Skënder Reçica, ka…