Disa të vdekur në përleshjet në kufirin ndërmjet Afganistanit dhe Pakisanit

15 prill 17:38

Trupat e policisë kufitare afgane dhe forcat paramilitare të Pakistanit janë përleshur afër kufirit të kontestuar të të dyja vendeve, duke lënë disa të vdekur e të plagosur nga të dyja palët, kanë njoftuar zyrtarë afganë dhe ata pakistanezë.

Zyrtarët afganë të sigurisë i kanë thënë “Radios Afganistani i Lirë” më 15 prill se në provincën lindore, Khost kanë vdekur gjashtë paramilitarë pakistanezë.

Zyrtarët pakistanezë i kanë thënë agjencisë së lajmeve “Reuters” se dy ushtarë pakistanezë janë vrarë.

Në përleshje janë vrarë edhe një zyrtar policor së bashku me një banor të provincës.

Përgjegjësi provincial, Abdul Hanan i ka thënë “Radios Evropa e Lirë”, se përleshjet kanë nisur në tri zona afër kufirit pasi trupat pakistanezë kanë injoruar paralajmërimet për të mos kaluar kufirin.

Pretendimet e Hanan nuk janë konfirmuar ende.

Afganistani ka akuzuar ushtrinë pakistaneze për sulm ndaj civilëve dhe bazave të sigurisë në kufirin e kontestuar. Këto akuza i ka mohuar Pakistani.

Pakistani është duke pretenduar se është subjekt i sulmeve të militantëve talibanë të Pakistanit, për të cilët Islamabadi ka deklaruar se janë në zonën e kufirit afgan.

Fjalët Kyçe:

Lajme të sponsorizuara

Të fundit
Me kërkesën e partive opozitare, kryeministri i Kosovës, Ramush Haradinaj,…