Distria kualifikohet në gjysmëfinale, Nora në çerekfinale
11 janar 2021
| 11:56
Distria Krasniqi është kualifikuar në gjysmëfinale të Mastersit të Dohas, pasi e mposhti xhudisten portugeze Catarina Costa.
Distria është paraqitur mirë në çerekfinale dhe pa ndonjë problem e mposhti xhudisten portugeze në kategorinë deri në 48 kilogramë. Në gjysmëfinale, Krasniqi do të përballet me francezen Melanie Clement.
Ndërsa xhudistja tjetër e Kosovës, Nora Gjakova e ka mposhtur xhudisten serbe Marica Perisiç për të kaluar në çerekfinale të Mastersit të Dohas, i cili është duke u mbajtur momentalisht në Katar.
(Epoka e re)