Drita – Ballkani ndajnë pikët, Llapi befasohet nga Ferizaj

06 nëntor 15:15

Kanë përfunduar dy ndeshjet e Superligës së Kosovës.

Drita dhe Ballkani janë ndarë baras 2:2, Llapi ka pësuar 2:1 nga Ferizaj.

Në Gjilan është zhvilluar një ndeshje mjaft e mirë nga të dy skuadrat.

Vendasit kanë kaluar të parët në epërsi kur Besnik Krasniqi shënoi nga penalltia për 1-0 në minutën e 12-të.

Ndërkohë vetëm 11 minuta më vonë mysafirët kanë barazuar me anë të Albin Berishës.

Në pjesën e dytë vendasit kaluan sërish në epërsi.

Ishte minuta e 49-të kur Marko Simonovski realizoi dhe e çoi në 2:1 rezultatin për Dritën.

Ballkani nuk është dorëzuar dhe gjeti forcën të shënojnë sërish.

Në minutën e 75-të, Albion Rrahmani barazoi gjithçka.

Me këtë barazim Drita ka 31 pikë, në vendin e parë, kurse Ballkani mban pozitën e dytë me 27 pikë (por ka tri ndeshje më pak të zhvilluara).

E në ndeshjen tjetër Llapi – Ferizaj pjesa e parë u mbyll 0:1 në favor të mysafirëve.

Në 45 minutat e tjera mysafirët shënuan përsëri.

Në minutën e 50-të, Betim Haxhimusa dyfishoi epërsinë e Ferizaj.

Ajo çfarë llapjanët arritën të bëjnë ishte vetëm të ngushtojnë epërsinë në 1:2.

Me këtë humbje Llapi ka 16 pikë në vendin e gjashtë, ndërsa Ferizaj ka 12 pikë gjithsej.

Lajme të sponsorizuara

Të fundit
Loriana Kuka e ka fituar medaljen e bronztë në Grand…