Drita nuk ka arritur më shumë se një barazim 1:1 në udhëtim ndaj Drenicës, në ndeshjen e vlefshme për xhiron e 13-të të Superligës së Kosovës.

Skuadra gjilanase ka kaluar e para në epërsi me golin e Albert Dabiqajt, por Drenica ka reaguar shpejt dhe ka arritur ta barazojë rezultatin me Genc Hamitin në minutën e 25-të.

Ky rezultat nuk është ai që ka kërkuar Drita, e cila me këtë barazim mbetet në pozitën e tretë me 24 pikë, tetë më pak se Prishtina, që kryeson kampionatin me 32 pikë.

Në anën tjetër, kjo ka qenë një pikë me rëndësi të veçantë për Drenicën në garën për mbijetesë. Skuadra nga Skenderaj ka shkuar në kuotën e 12 pikëve dhe vazhdon të renditet në vendin e tetë.