Franca gjatë 24 orëve ka regjistruar 83 raste të reja të vdekjeve nga koronavirusi i ri.

Ministria e Shëndetësisë tha se vdekjet ndodhën në spitale dhe shtëpi pleqsh.

Numri i përgjithshëm i viktimave nga pandemia arriti në 28 215.

Franca më 11 maj lejoi lehtësimin e parë të masave të izolimit, të vendosura për ta parandaluar përhapjen e koronavirusit.

Zyrtarët kanë thënë se është shumë herët për të nxjerrë përfundime dhe se nuk ka ende ndonjë shenjë të një vale të dytë të të infektuarve.

Por, Patrick Pelloux, udhëheqës i Shoqatës së Mjekëve të Urgjencës në Francë, tha se ai gjithnjë e më pak i frikësohet një vale të dytë të epidemisë për shkak të lehtësimit të masave.

“Kjo nuk do të thotë se epidemia është ndalur”, shtoi ai, duke theksuar nevojën që banorët ta vazhdojnë respektimin e masës së distancës fizike dhe vendosjen e maskës mbrojtëse.