Eritrea, vendi me censurën më të madhe të lajmeve

10 shtator 2019 | 10:18

Komiteti për Mbrojtjen e Gazetarëve – organiztë joqeveritare me seli në Nju Jork – publikoi të martën një raport për dhjetë vendet më censuruese në botë.

Në krye të listës është Eritrea, ndërsa ajo ndiqet nga Koreja e Veriut, Turkmenistani, Arabia Saudite, Kina e të tjera.

Raporti thotë se qeveritë shtypëse në këto vende “përdorin censurë dhe mbikëqyrje të sofistikuar digjitale, së bashku me metoda më tradicionale për të heshtur median e pavarur”.

Në tre vendet e para, media “shërben si kryefjalë e shtetit dhe çdo gazetari e pavarur zhvillohet nga mërgimi”, thuhet në raport.

Sipas tij, pak gazetarë të huaj që lejohen të hyjnë atje, monitorohen nga afër.

Vendet e tjera në listë përfshijnë: Vietnamin, Iranin, Guinean Ekuatoriale, Bjellorusinë dhe Kubën.

Raporti kujton se, sipas nenit 19 të Deklaratës Universale të të Drejtave të Njeriut, të gjithë kanë të drejtë të kërkojnë dhe të marrin lajme, si dhe të shprehin mendime.

Lajme të sponsorizuara

Të fundit
Ministri i Punëve të Jashtme të Kosovës, Behgjet Pacolli ka…