Në këto komuna që nga data 26 maj ka pasur zhvillime të njëpasnjëshme. Serbët protestuan dhunshëm për disa ditë, madje tentuan të hyjnë më forcë në objektet e komunave.

Grupe kriminale serbe sulmuan ushtarë të KFOR-it, policë dhe ekipe të medieve.

Zhvillimet e fundit në veri kanë nxitur reagime të ashpra të ndërkombëtarëve të cilët edhe kërkuan nga Qeveria e Kosovës t’i ulë tensionet.

Së fundmi, në veri u rrëmbyen edhe tre policë të Kosovës nga forcat e Policisë së Serbisë.

Për ngjarjet e fundit në veri të vendit, sot pritet të deklarohet edhe zëvendësndihmëssekretari për Byronë për Çështjet Evropiane dhe Euroaziatike, Gabriel Escobar.

Escobar do të mbajë një konferencë për shtyp në internet, e cila në vendin tonë do të transmetohet në orën 15:00.