Lajm i keq për Gjermaninë vetëm pak ditë para debutimit në Evropian. Trajneri Joachim Low nuk mund të ketë në dispozicion të martën, më 15 qershor, në sfidën shumë të rëndësishme kundër Francës, sfidë që do të luhet në “Alliaz Stadium” të Mynihut, Leon Goretzkan.

Konfirmimi erdhi nga fjalët e drejtorit sportiv të Federatës Gjermane të Futbollit, Oliver Bierhoff. Mesfushori i Bayernit të Mynihut ka një dëmtim muskulor, nga i cili nuk mund të riaftësohet në kohë për sfidën me “Gjelat”.

“Leon Goretzka mund të stërvitet me ekipin, por nuk do të jetë në dispozicion për ndeshjen e parë. Ai është një lojtar tepër i rëndësishëm dhe jam i sigurt se do të luajë një rol jetik për ne në ndeshjet e tjera të Evropianit”, ka thënë Bierhoff.