Qytetari Faton Tahiri është nderuar me një mirënjohje për aktin heroik në shpëtimin e një gruaje, e cila disa ditë më parë ra me veturë në liqenin e Livoqit.

Në shenjë falënderimi për reagimin e tij të shpejtë, duke vënë jetën e tij në rrezik, kryetari i Komunës së Gjilanit, Alban Hyseni, i ndau mirënjohjen për trimërinë që ka treguar.

“Fatoni është shembulli i qytetarit që na bën krenarë të gjithëve. Veprime të tilla humane janë dëshmia më e mirë e solidaritetit që na bashkon në momente të vështira. Mirënjohje dhe respekt i pafund”, ka thënë Hyseni në një postim në Facebook ku ka ndarë edhe fotografi.