Flet kryefamiljari nga Prishtina shtëpia e të cilit u sulmua me bombë

14 maj 20:55

Rreth orës 22:00, të dielën mbrëma dikush e hodhi një bombë, pronën e Fadil Krasniqit, në rrugën “Ahmet Krasniqi”, në Arbëri të Prishtinës.

I zoti i shtëpisë thotë se gjithçka ndodhi pas një dite të zakonshme. Sipas tij, askush nga familjarët nuk kanë pasur probleme ose hasmëri.

“Rreth orës 20:20 jam ardhë në shtëpi. Diku pas orës 22:00 e kemi dëgju një zhurmë që menduam se edhe shtëpitë u rrëzuan”, tregoi Krasniqi për Klan Kosova.

Sipas tij askush nga familjarët nuk kanë pasur probleme e hasmëri.

“Me dije kujt borxh nuk i kemi edhe me thashetheme nuk merremi. Pse, qysh e tek ka ndodh kjo nuk e di”, theksoi ai.

Krasniqi ka një porosi për organet e drejtësisë.

“Kam qejf rasti me i zbardh nderi në fund nga organet përgjegjëse”, tha Krasniqi.

Rastin e ka konfirmuar edhe zëdhënësja e Policisë për rajonin e Prishtinës, Flora Ahmeti.

Ajo tha se njësitë përkatëse janë duke e hetuar rastin.

E një dëshmitar i rastit, në kushte anonimiteti tha se mjetin shpërthyes e hodhi një person i cili po ngiste një veturë të tipit Golf 2, me ngjyrë të mbyllët e me targa 02.

Sipas tij, i njëjti pasi kreu sulmin u largua me shpejtësi nga vendi i ngjarjes.

Lajme të sponsorizuara

Të fundit
Ministria e Drejtësisë e Qeverisë së Kosovës ka dërguar për…