Gjithçka është ende e hapur në Grupin F të “Euro 2020”, me katër skuadrat që garojnë për një vend në 1/8 finale.

Sonte, Gjermania dhe Hungaria do të luajnë 90 minutat e fundit në grup, shanset e tyre për një vend në fazën e eliminimit direkt, midis 16 skuadrave më të mira në garë. Pas humbjes, megjithëse e pamerituar për shkak të cilësisë së lojës së shprehur, në debutimin kundër Francës, fitorja 4-2 ndaj Portugalisë i ofron Gjermanisë shanse konkrete për t’u kualifikuar.

Njerëzit e Low dëshirojnë të fitojnë në “Allianz Arena” dhe shpresojnë në një hap të gabuar nga Franca kundër luzitanëve, në mënyrë që ta mbyllin grupin e hekurt në vendin e parë.

Nga ana tjetër, Hungaria e Marco Rossi dëshiron një sukses, që do të kishte aromën e një mrekullie sportive dhe që do të vlente të kalonte në raundin e dytë.

Trajneri i Gjermanisë, Joachim Low, synon të luajë me klasiken 3-4-2-1, me Goretzka në vend të Muller, të çiftuar me Havertz, prapa Gnabry. Jashtë Werner, i cili do ta fillojë nga stoli. Në mesfushë, dyshja Gundogan-Kroos, me Kimmich dhe Gosens në korsitë e jashtme. Para Neuer, treshja mbrojtëse do të përbëhet nga Ginter, Hummels dhe Rudiger.

Formacionet e mundshme:

Gjermania (3-4-2-1): Neuer; Ginter, Hummels, Rudiger; Kimmich, Gundogan, Kroos, Gosens; Goretzka, Havertz; Gnabry.

Hungaria (3-5-2): Gulacsi; Botka, Orba, At. Szalai; Lovrencsics, Kleinheisler, Nagy, Schafer, Fiola; Ad. Szalai, Sallai.