Në kuadër të Ushtrimit Ndërkombëtar “Defender Europe 23”, Forca e Sigurisë së Kosovës, ka dislokuar sot një kompani të regjimentit të Këmbësorisë në Poligonin Krivollak të Maqedonisë së Veriut, që do t’i bashkangjitet Batalionit multi-nacional për zhvillimin e trajnimit të përbashkët.

Kompania ka për objektivë demostrimin e performancës dhe ndërveprueshmërinë ushtarake përkrah forcave të shteteve partnere.

Forca e Sigurisë së Kosovës, është forcë e gatshme për të kontribuar në çdo mision të paqes aty ku kërkohet.