FC Liqeni e ka nisur me fitore aventurën në UEFA Futsal Champions League.

Në Prishtinë po zhvillohet “Main Round” i UEFA Futsal Champions League, ku Kosova përfaqësohet me skuadrën e Liqenit.

Liqeni i Drenasit u përballë sonte me Gentofte, skuadër të cilën e mposhti me rezultatin 3:4.

Jakup Ramadani në minutën e 2’ hapi serinë e golave, kur shënoi për 0:1. Danezët barazuan në 1:1 në fundin e pjesës së parë.

Ata kaluan në epërsi në minutën e 28’, por menjëherë Camilo barazoi në 2:2.

Eder dhe Ramadani shënuan në 30’ dhe 35’ për 2:4, kurse rezultatin final e vulosën danezët, për 3:4.

Nesër, Liqeni luan kundër Piast Gliwice të Polonisë.