Gazetareve ukrainase u vazhdohet lejeqëndrimi në Kosovë

24 gusht 23:00

Qeveria e Kosovës sot ka miratuar vendimin për zgjatjen e lejeqëndrimit të gazetareve ukrainase të strehuara përkohësisht në Kosovë.

Zgjatja e lejeqëndrimit është bërë në 31-vjetorin e Pavarësisë së Ukrainës, dhe është bërë e ditur nga kryeministri i Kosovës, Albin Kurti.

“Në solidaritet dhe festë të Ditës së Pavarësisë së Ukrainës, sot ua zgjatëm qëndrimin gazetarëve ukrainas në Kosovë, ngritëm flamurin ukrainas krahas atij të Kosovës, dhe ngjyrosëm ndërtesën e Qeverisë sonë”, ka thënë Kurti.

Në Kosovë deri më tani janë strehuar 9 gazetarë ukrainas në kuadër të programit të European Centre for Press and Media Freedom ECPMF “Journalists in Residence – Kosovo” – i cili mbështetet financiarisht nga Qeveria e Kosovës.

Asociacioni i Gazetarëve të Kosovës mirëpret vendimin e Qeverisë për zgjatjen e lejeqëndrimit të kolegëve ukrainas, njëherësh shpreh gatishmërinë që të vazhdojë angazhimin për t’i ofruar atyre ndihmën e nevojshme.

Lajme të sponsorizuara

Të fundit
Lideri i PSD-së, Dardan Molliqaj e ka vlerësuar kryeministrin Albin…