Gjenden mbetjet e avionit të rrëzuar në Iran

19 shkurt 19:06

Avioni i kompanisë ajrore Aseman Airlines që fluturonte nga Teherani në qytetin jugperëndimor Yasuj, u rrëzua dje në një zonë malore në lagjen Semirom në krahinën Isfahan

Autoritetet iraniane kanë gjetur mbetjet e avionit të pasagjerëve që u rrëzua dje me 66 persona në bord në Iranin qendror, transmeton Anadolu Agency (AA).

Agjencia iraniane e lajmeve IRNA citon zëvendës guvernatorin e krahinës Kohgiluyeh dhe Boyer-Ahmed, Ahmad Jaafar Gohargani, të ketë thënë se “mbetjet u gjetën pranë qytetit Semirom në krahinën Isfahan”.

Avioni i kompanisë ajrore Aseman Airlines që fluturonte nga Teherani në qytetin jugperëndimor Yasuj, u rrëzua dje në një zonë malore në lagjen Semirom në krahinën Isfahan.

Autoritetet iraniane më parë u bënë thirrje vendeve evropiane dhe Kinës që t’i japin Teheranit imazhe satelitore për të ndihmuar në gjetjen e rrëzimit të avionit.

Kompanitë ajrore iraniane, shërbejnë me avionët e blerë para vitit 1979, para sanksioneve të SHBA-ve, ose me avionë të blerë si të përdorur. Për shkak të mos rinovimit të flotës së avionëve është rritur rreziku nga aksidentet, ndërsa në 39 vitet e fundit kanë ndodhur mbi 200 aksidente të avionëve ku kanë humbur jetën mbi 2 mijë persona.

Lajme të sponsorizuara

Të fundit
Lideri i Lëvizjes Vetëvendosje, Albin Kurti, ka kujtuar djegien e…