Kryetari i Odës Ekonomike të Kosovës, Berat Rukiqi ka thënë se shpallja e gjendjes së jashtëzakonshme do të dërgojë vendin në katastrofë ekonomike.

Rukiqi ka thënë se çdo mbyllje e bizneseve në Kosovë do të jetë fatale për ekonominë. Ai është shprehur në luftën me pandeminë duhet të ndërmerren masa ndaj bizneseve që nuk respektojnë rregullat e jo në kurriz të ekonomisë.

“Nëse gjendja e jashtëzakonshme shpallet për të mundësuar masa me të rrepta në luftën me pandeminë, atëherë këto masa te mos ndërmerren në kurriz te ekonomisë në teresine e vet. Masat duhet te ndërmerren ndaj atyre bizneseve që nuk respektojnë rregullat dhe masat parandaluese”, ka shkruar Rukiqi.