Haiti ka shpallur një gjendje të jashtëzakonshme 72-orëshe dhe shtetrrethim natën brenda dhe përreth kryeqytetit për shkak të dy daljeve nga burgu dhe pasigurisë.

Sipas mediave të huaja, përcjell Telegrafi, masa erdhi pasi në fundjavë, bandat e armatosura sulmuan një burg të madh në Port-au-Prince, duke çuar në vrasjen e të paktën 12 personave dhe lirimin e rreth 4,000 të burgosurve.

Si rezultat, shumica dërrmuese e rreth 4,000 burrave të mbajtur atje tani janë arratisur, ka thënë një gazetar lokal për BBC News.

Midis të arrestuarve ishin anëtarë të bandës të akuzuar në lidhje me vrasjen e presidentit Jovenel Moïse në vitin 2021.

Dhuna në Haiti, vendi më i varfër në Amerikë, është përkeqësuar vitet e fundit. Bandat që synojnë të rrëzojnë kryeministrin Ariel Henry kontrollojnë 80% të Port-au-Prince.

Rritja e fundit e dhunës filloi të enjten, kur kryeministri udhëtoi për në Nairobi për të diskutuar dërgimin e një force sigurie shumëkombëshe të udhëhequr nga Kenia në Haiti.

Pas kësaj, një valë të shtënash la katër policë të vdekur dhe pesë të plagosur.

Sindikata e policisë së Haitit i kërkoi ushtrisë të ndihmonte në përforcimin e burgut, por kompleksi u sulmua vonë të shtunën.