Kryetari i Komunës së Gjilanit, Lutfi Haziri, ka pranuar të martën 20 laptopë për shkollat profesionale, që është donacion i organizatës zvicerane “Labdoo”.

Në emër të kësaj organizate, donacionin ia ka dorëzuar kryetarit Haziri, koordinatori i “Labdoo”-s, Asdren Toska.

Me këtë rast kryetari Haziri ka falënderuar koordinatorin Toska për inicimin dhe përkushtimin që ky donacion të vije në qytetin e tij, duke thënë se laptopët do të shfrytëzohen nga shkollat profesionale pasi do të ketë ndikim direkt në përmirësimin e cilësisë në institucionet edukativo-arsimore.

Ndërsa koordinatori i organizatës zvicerane “Labdoo”, Asdren Toska, ka njoftuar se ky është vetëm fillimi i donacioneve të kësaj natyre.

Ai ka premtuar se brenda vitit edhe 200 laptopë të tjerë do t’i sjellë në Gjilan.

/Epoka e re/