Golden State fiton me Curry-Thompson, zhgënjejnë Dallasi e Philadelphia

21 mars 2023 | 11:40

Skuadra kampione e Golden State rikthehet te fitorja në NBA, duke mposhtur me rezultat 121-108 Houstoni. Dyshja Curry-Thompson protagonistë në fushë, teksa së bashku realizuan 59 pikë. Zhgënjen Dallasi, që u mund me shifrat 112-108 nga Memphisi, ndeshje ku për vendasit diferencën e bëri Jaren Jackson me 28 pikë.

Pas kohës shtesë fiton Chicago, që mundi me shifrat 109-105 Philadelphian, duke prishur planet për kreun e renditjes në Lindje. LaVine me 26 pikë e DeRozan me 25 pikë ishin lider në fushë për Bulls, duke i bërë të pavlefshme 37 pikët e 16 rebound të Joel Embiid për vendasit. Fitore të rëndësishme për një vend në “play-off” në Perëndim korri ekipi i Utah Jazz, që mundi me rezultat 128-120 Sacramenton. Tetë lojtarë të Jazz realizuan mbi 10 pikë.

Minnesota mundi me rezultat 140-134 New York në një ndeshje spektakolare, sfidë ku Price realizoi 35 pikë, ndërsa 57 pikët e Randle për nju-jorkezët mbetën për statistikë.

Rezultatet

Charlotte – Indiana                 115-109
Philadelphia – Chicago           105-109
New York – Minnesota           134-140

Houston – Golden State         108-121
Memphis – Dallas                    112-108
Utah Jazz – Sacramento         128-120

 

Lajme të sponsorizuara

Të fundit
Policia e Kosovës (PK) në vazhdën e avancimit dhe rritjes…