“Google” i ndërpret këto reklama, “Facebook”-u ndoshta!

21 nëntor 2019 | 09:03

“Google” nuk do të lejojë që fushatat politike të shënjestrojnë njerëz bazuar në qëndrimet e tyre të supozuara politike.

Kjo politikë do të nisë së zbatuari në Mbretërinë e Bashkuar “brenda një jave” duke vazhduar më pas me rajone të tjera.

Megjithatë, fushatat për reklamim do të mund të shënjestrojnë persona bazuar në moshë, gjini dhe lokacion.

Kjo kompani ka thënë se do të marrë masa edhe për qëndrimet mashtruese në reklama, gjë të cilën nuk e ka bërë rrjeti social “Facebook”.

Mark Zuckerberg ka thënë se nuk do ta analizojë vërtetësinë e fushatave të kandidatëve politikë që bëhen në “Facebook”.

Rrjeti tjetër social “Twitter” ka thënë se nuk do të lejojë fare fushata të reklamimit.

Politika e re e “Google” e vendos këtë kompani në situatë për të vepruar vetëm kur mashtrimet janë të shkallës së lartë.

“Ne e pranojmë se dialogu politik është pjesë e rëndësishme e demokracisë dhe se askush nuk mund ta gjykojë secilin pretendim politik apo kundërpadi”, ka thënë udhëheqësi i Departamentit për Reklama në “Google”, Scott Spencer.

“Prandaj ne presim që numri i reklamave politike të cilat do t’i rishikojmë do të jetë shumë i kufizuar, mirëpo ne do të vazhdojmë ta bëjmë këtë gjë për t’i shmangur shkeljet”, ka thënë ai.

Lajme të sponsorizuara

Të fundit
Në vendin tonë gjatë 24 orëve të fundit kanë ndodhur…