Anëtari i Kryesisë së LDK-së, Muhamet Hamiti, ka komentuar thirrjet e aleatëve të Kosovës për respektim të aktgjykimit të Gjykatës Kushtetuese.

Ai ka deklaruar se këto thirrje po i bëhen LV-së, meqenëse partitë tjera gjithnjë i kanë respektuar aktgjykimet e Kushtetueses.

Hamiti ka shkruar  në “Facebook” se qeveria e LV-së ka bërë shkelje seriale të Kushtetutës në këto 4-5 vjet.

“BE-ja, ambasadat e shteteve kryesore perëndimore, ShBA-ja, Britania e Madhe, Gjermania, etj., kanë bërë thirrje për respektim të aktgjykimit të Gjykatës Kushtetuese. Thirrjet po i bëhen Vetëvendosjes së Albin Kurtit, sepse partitë e tjera i kanë respektuar gjithëherë vendimet e Gjykatës Kushtetuese. Qeveria e Vetëvendosjes ka bërë shkelje seriale të Kushtetutës në këto 4-5 vjet. Në kundërshtim me Kushtetutën po qëndron në krye të Qeverisë deputeti Albin Kurti, i cili ka votuar në dhjetëra seanca të dështuara për konstituim të Kuvendit të Kosovës prej prillit deri në korrik”, ka shkruar Hamiti.