Hapet Panairi i produkteve bujqësore në Ferizaj

05 gusht 13:49

Sheshi qendror i Ferizajt të hënën është ‘vërshuar’ nga qindra produkte të sjella për ekspozim nga bujqit dhe fermerët ferizajas.

Bujqit në këtë shesh ngritën stendat e tyre të ardhur nga fshatra e zona tjera të Ferizajt dhe më gjerë në hapje të Panairit të produkteve bujqësore që po organizohet për herë të dytë si rrjedhojë e bashkëpunimit mes komunës së Ferizajt dhe organizatës IKC.

Për të bashkëbiseduar me bujqit, fermerët si dhe për të parë e blerë produktet e tyre, doli edhe kryetari i Ferizajt, Agim Aliu.

Investimet në mekanizëm bujqësor, ndihmesa me produkte e pajisje e subvencionime të tjera ishin theksi që vuri i pari i Ferizajt, në fjalën e tij. Tutje, ai u zotua se do të vazhdojë dhe rritet mbështetja për bujqit ferizajas.

“Dëshirojmë t’ju mbështesim, sepse duhet jetuar nga puna dhe ne e çmojmë punën tuaj dhe dëshirojmë të jemi pjesë e kësaj pune të ndershme. Dëshirojmë të jemi pjesë e mbështetjes së njerëzve që e zhvillojnë ekonominë, por mbi të gjitha me produktet tuaja, sigurohet edhe shëndeti i qytetarëve, pasi nuk ka më mirë dhe më sigurt se të konsumosh prodhime vendore”, ka thënë Aliu.

Përfaqësuesi i IKC-së, Agron Arifi, duke falënderuar komunën e Ferizajt për mbështetjen e pakursyer në organizimin e këtij panairi, ka thënë se ky organizim është një mundësi për rritjen e shitjes së produkteve vendore.

Lajme të sponsorizuara

Të fundit
Drejtoria për Buxhet dhe Financa në komunën e Rahovecit është…