Haradinaj: Komandant Ilaz Kodra, shembull i luftëtarit shqiptar
Kryeministri Ramush Haradinaj ka përkujtuar komandantin e Brigadës 114 “Fehmi Lladrovci, Ilaz Kodra, në 19-vjetorin e rënies së tij.
“Komandant Ilaz Kodra, shembull i luftëtarit shqiptar, qëndroi drejt, luftoi drejt, dhe ra drejt në shërbim të lirisë”, ka shkruar Haradinaj në llogarinë e vet në “Facebook”.
Postimi i plotë i Haradinajt:
Dita e sotme, 19 vjet më parë, u bashkua me ditët e mëdha të rënieve e flijimeve, që e bënë kthesën në historinë tonë.
Komandant Ilaz Kodra, shembull i luftëtarit shqiptar, qëndroi drejt, luftoi drejt, dhe ra drejt në shërbim të lirisë. Ai ishte bashkëluftëtar i djemve më të zotë të vendit dhe ra së bashku me 29 trima duke i pri Brigadës 114 me emrin e komandantit Fehmi Lladrovci.
Krenohemi me të gjithë ata breza luftëtarësh që nderuan Drenicën dhe tërë Kosovën.
Lavdi e përjetshme!
RH