Kryeministri në dorëheqje Ramush Haradinaj ka thënë se bota perëndimore e ka pranuar Kosovën shtet sovran e të pavarur.

Prandaj, sipas tij, sot nuk kemi nevojë të sillemi si protektorat.

“Për mua është e pakuptueshme se si disa politikan e për interesa personale, ende ndihen komodë veç brenda logjikës së protektoratit. Me mbështetjen e fuqishme edhe të miqve ndërkombëtarë, Kosova sot vendosë vet, edhe për kufijtë, edhe për taksën, edhe për Trepçën, edhe për ushtrinë edhe për dialogun e krejt temat tjera të interesit shtetëror”, ka shkruar Haradinaj në llogarinë e vet në “Facebook”.

Ai ka shtuar se abuzimi me miq nuk është partneritet dhe nuk është në traditën shqiptare.