Kryetari i Aleancës për Ardhmërinë e Kosovës (AAK), Ramush Haradinaj, ka vizituar sot strukturat e kësaj partie në Junik.

Ai ka thënë se strukturat e AAK-së në këtë komunë janë të mobilizuara për t’i dhënë Kosovës një udhëheqje të guximshme e të vendosur.

“Me vizion dhe vlera, që e ka në rend të parë shtetin 100 për qind dhe dinjitetin e tij. Pa kompromise, me efektshmëri të dëshmuar në veprime qeverisëse dhe me objektiv që zhvillimi ekonomik, përballja me korrupsionin e punësimi i të rinjve, të ndodhin vërtetë. Qeveri të dinjitetshme për shtet të dinjitetshëm”, ka thënë Haradinaj.

/Epoka e re/