Ambasadori i Mbretërisë së Bashkuar në Kosovë, Jonathan Hargreaves, ka vizituar të premten ushtarët britanik që shërbejnë në Kosovë e që janë të vendosur në Kampin “Bondsteel”.

Hargreaves ka thënë se vendosja e tyre në Kosovë, dëshmon aftësinë e ushtrisë britanike për të përmbushur angazhimin në kuadër të NATO-s për siguri në Kosovë dhe Ballkan Perëndimor.

“Vendosja e tyre dëshmon aftësinë e Ushtrisë Britanike për të përmbushur këtë angazhim të NATO-s dhe demonstron angazhimin e Mbretërisë së Bashkuar ndaj Kosovës dhe sigurisë në Ballkanin Perëndimor”, ka shkruar Hargreaves në “Facebook”.