Harry Kane do të nisë bisedimet me Bayernin për një kontratë të re, ka raportuar BBC-ja të premten.

Kapiteni i Anglisë ka kontratë me klubin bavarez deri në verën e vitit të ardhshëm, por Bayerni është i përkushtuar për ta mbajtur atë.

32-vjeçari është në dijeni për interesimin e klubit për ta vazhduar bashkëpunimin, ndërsa bisedimet pritet të intensifikohen në javët e ardhshme.

Kane iu bashkua Bayernit në vitin 2023, duke u transferuar nga Tottenhami për 86 milionë funte. Ai ka shkëlqyer që prej atëherë, duke shënuar 146 gola në 134 paraqitje për gjigantin bavarez.