Hekuran Murati ia bën një rrogë të mirë shokut të babait
Rritja e tatimit në pronë ka ngjallur reagime të shumta. Ndërsa komunat dhe Ministria e Financave ia kanë lënë fajin njëra tjetrës. Nga Komuna kishin bërë përgjegjëse Ministrinë që udhëhiqet nga Murati sepse ata kanë bërë rivlerësimin e pronave. Ky i fundit të premten ka punësuar një konsulent për tatimin në pronë si mbledhje e detyrueshme e detyrimeve të tatimit .
Gazeta “Insajderi” merr vesh se personi i punësuar është i afërt me Ministrin e Financave, Hekuran Murati.
Ministria e Financave ka nënshkruar kontratë për konsulent për tatimin në pronë si mbledhje e detyrueshme e detyrimeve të tatimit në pronë me 27.01.2023.
I punësuari që do të merr pagë prej 2 mijë e 400 euro është Agron Çerkini dhe kontrata do t’i zgjas tre muaj.
Lidhja e Çerkinit me Muratin
Ministri Hekuran Murati, për çështjen e rritjes se tatimit në pronë kishte fajësuar edhe qeveritë e kaluara.
Sipas Muratit, e gjithë kjo i ka rrënjët të një ligj i vitit 2018, që, siç ka thënë ministri është miratuar në qeverinë e Isa Mustafës, kur financat i menaxhonte Avdullah Hoti, ndërsa Kuvendi e ka aprovuar, kur qeverinë e kishte marrë Ramush Haradinaj.
Por për të zbatuar këtë vendim të “qeverive të kaluara” ai ka paguar një konsulent.
Agron Çerkini është personi që do t’i marr 2 mijë e 400 euro për t’i detyruar qytetarët ta paguajnë tatimin në pronë. Gazeta “Insajderi” ka marrë vesh se Çerkini është i afërt me babain e ministrit Hekuran Murati.
Muhamet Murati (babai i Muratit) ka shoqëri me Çerkinin. Ata dalin edhe për të pirë kafe së bashku.
Në anën e majtë babai i Hekuran Muratit dhe në anën e djathtë Agron Çerkini
Lidhur me rritjen e tatimit kishin reaguar edhe Asociacioni i Komunave të Kosovës (AKK) ata kishin thënë komunat nuk e kanë rritur çmimin e tatimit në pronë.
AKK-ja ka thënë se komunat nuk e kanë rritur normën tatimore, por sipas tyre, është bërë rivlerësimi i pronave nga Ministria e Financave dhe me këtë rast është rritur vlera e pronave bazuar në çmimet e tregut /Insajderi/
Murati abuzon me ministrinë e Financave, ia bënë një rrogë të mirë shokut të babait
