Fernando Hierro nuk do të vazhdojë të jetë në postin e përzgjedhësit të Spanjws pas eliminimit nga Kampionati Botëror “Rusia 2018”. Lajmin e ka konfirmuar Federata e Futbollit e Spanjës.

“Pas shumë kilometrave të përbashkët, Federata e Spanjës dhe Fernando Hierro kanë ndarë rrugët me përfundimin e Kampionatit Botëror. Trajneri ka refuzuar të kthehet në pozitën e Drejtorit Sportiv për të kërkuar sfida të reja profesionale”, ka njoftuar Federata Spanjolle. Hierro u bë përzgjedhës një ditë pasi Julen Lopetegui u shkarkua, pak para nisjes së Botërorit.