Hollanda fitoi festivalin Eurovision 2019, ndërsa Shqipëria u rendit në vendin e 18-të.

Në vendin e dytë u rendit Italia me këngën “Soldi” nga Mahmood, ndërsa në të tretin u rendit Rusia.

Hollanda u përfaqësua nga Duncan Laurence me këngën “Arcade”, e cila është një baladë dashuria.

“E mora historinë nga një person i dashur që vdiq në moshë të re. Arcade është histori për kërkimin e dashurisë së jetës”, tha fituesi Duncan për fabulën e këngës.

Ndërsa Shqipëria që u përfaqësua nga Jonida Maliqi me këngën “Ktheju tokës” arriti deri në vendin e 18-të./TCh