Hoti paralajmëron mundësinë e kthimit të reciprocitetit me Serbinë
11 janar 2021
| 13:40
Kryeministri në detyrë i Kosovës, Avdullah Hoti, ka paralajmëruar se procesi i dialogut me Serbinë duhet të përfundojë me një marrëveshje përfundimtare për njohje reciproke, raporton “Epoka e re”.
Pas takimi me përfaqësues të shqiptarëve të Luginës së Preshevës, ai ka thënë se nëse marrëveshje nuk ndodh, Kosova do t’i zbatojë të gjitha masat e reciprocitetit me Serbinë. “Të gjitha pa përjashtim, të gjitha masat që Serbia i drejton nga ne, ne kemi të drejtë dhe do t’i drejtojmë kah Serbia”, ka thënë Hoti.
Ai ka deklaruar se beson që me përfshirjen e partnerëve ndërkombëtarë në këtë proces nuk do të ketë nevojë të që aplikohen këto masa ekstreme, pasi sipas tij, çdo ditë po bëhet progres drejt marrëveshjes përfundimtare me Serbinë.