HRW-ja kundër pranimit të Kroacisë në zonën e Shengenit

08 nëntor 11:08

Konkludimi i Komisionit Evropian, më 22 tetor, se Kroacia është e gatshme të bashkohet me zonën Shengen, qëllimisht anashkalon provat e dëbimit të dhunshme të emigrantëve në kufijtë e saj, ka theksuar organizata Human Rights Watch (HRW).

Sipas kësaj organizate, planet e Komisionit Evropian dërgojnë mesazhin se abuzimet serioze të të drejtave të njeriut, nuk janë pengesë për pranimin në Shengen.

“Komisioni Evropian duhet të hetojë situatën në vend që ta shpërblejë Kroacinë”

“Kthimi i paligjshëm dhe i dhunshëm i azilkërkuesve dhe emigrantëve nga ana e Kroacisë duhet ta skualifikojë atë nga hyrja në Zonën Shengen”, ka thënë Lydia Gall, studiuese e lartë e Evropës Lindore dhe Ballkanit në Human Rights Watch.

Organizata ka prezantuar një video-incizim që përmban intervista me njerëz menjëherë pasi ata ishin kthyer në Bosnje, nga policia kroate.

Incizimi tregon pamjet të besueshme – të regjistruara në fshehtësi – të oficerëve të policisë kroate që shoqërojnë grupe emigrantësh përtej kufirit për në Bosnje dhe Hercegovinë, pa ndjekur një proces të rregullt.

Në vlerësimin e tij, Komisioni Evropian pranon se mohimi i hyrjes së azilkërkuesve të mundshëm në procedurën e azilit dhe pretendimet për përdorimin e forcës nga zyrtarët kroatë të zbatimit të ligjit, mbeten një sfidë.

Kthimi i azilkërkuesve, pa i marrë parasysh nevojat e tyre për mbrojtje, është në kundërshtim me ligjin e azilit të Bashkimit Evropian, Kartën e BE-së për të Drejtat Themelore dhe Konventën e Refugjatëve të vitit 1951.

Lajme të sponsorizuara

Të fundit
Është publikuar orari për raundin e parë parakualifikues për Kupën…