Të mërkurën i është dhënë lamtumira e fundit veprimtarit të çështjes kombëtare të viteve ‘81, Rrahman Dërmakut nga Shipashnica e Kamenicës.

I ndjeri ishte ndër mërgimtarët e parë që u rreshtua në radhët e lëvizjes kombëtare në mërgim në krye me Kadri Zekën dhe Jusuf Gërvallën.

Për shkak të aktiviteteve të tij, ai u ndoq nga pushteti i atëhershëm dhe u arrestua dhe u dënua me 2 vite burgim, duke qëndruar i fortë përballë presioneve.

Edhe pas burgut, i ndjeri nuk pushoi asnjëherë së punuari për çështjen kombëtare.

Dërmaku ndërroi jetë të martën në moshën 70-vjeçare pas një sëmundje të rëndë e cila e mori shumë shpejt.

Telegram ngushëllimi familjes Dërmaku me rastin e humbjes së të ndjerit Rrahmn Dërmaku i kanë dërguar bashkëveprimtaret e tij nga Zvicra.