I jepet lamtumira ish-presidentit të Francës

30 shtator 2019 | 16:36

Udhëheqës të kaluar dhe të tanishëm botërorë u mblodhën të hënën në Paris për të ndjekur funeralin e ish-presidentit të Francës, Jacques Chirac.

Ceremoninë pranë vendit të varrit të Napolonit e ka udhëhequr presidenti francez, Emmanuel Macron.

Himnin kombëtar “La Marseillaise” e ka performur një grup ushtarak, ndërsa Chirac është varrosur në varrezat Montparnasse, ku gjendet edhe vajza e tij, Laurence, e cila ka vdekur më 2016.

Në mesin e pjesëmarrësve të huaj në ceremoni ishin: presidenti i Rusisë, Vladimir Putin, ish-presidenti i Shteteve të Bashkuara, Bill Clinton, ish-kancelari gjerman, Gerhard Schroeder, dhe mbreti Abdullah II i Jordanisë, shkruan “Rel”.

Në ceremoninë e varrimit të ish-presidentit francez ka marrë pjesë edhe presidenti i Kosovës, Hashim Thaçi.

Chirac ka vdekur më 26 shtator në moshën 86-vjeçare.

Familja e tij nuk ka dhënë detaje për shkakun e vdekjes.

Chirac ka shërbyer si president nga viti 1995 deri më 2007.

Nën udhëheqjen e tij, Franca ka hyrë në Eurozonë dhe ka shfuqizuar shërbimin e detyrueshëm ushtarak.

Në skenën ndërkombëtare, Chirac do të mbahet mend për kundërshtimin e ndërhyrjes në Irak më 2003.

Lajme të sponsorizuara

Të fundit
Nga muaji nëntor i këtij viti, mësimdhënësit të cilët kanë…