Ka përfunduar funerali mbretëror i princit Philip, i cili u nda nga jeta javën e shkuar në moshën 99-vjecare.

Mbretëresha i dha lamtumirën bashkëshortit dhe krahut të saj të djathtë prej 73 vitesh, në ceremoninë brenda mureve të Kështjellës Uindsor.

Të pranishëm ishin vetëm 30 persona, familjarë dhe të afërm të ngushtë të mbretëreshës dhe princit të ndjerë.

Në orën 15.00 me orën lokale, mbarë vendi mbajti një minutë heshtje, në nder të bashkëshortit të ndjerë të mbretëreshës Elizabeta e II.