IKSHPK-ja: Nuk ka raste të dyshuara me linë e majmunëve

23 maj 16:25

Instituti Kombëtar i Shëndetësisë Publike të Kosovës (IKSHPK) ka njoftuar se deri më tani nuk është raportuar asnjë rast i dyshimtë sa i përket lisë së majmunëve, teksa shtoi se po përcjellë me vëmendjen situatën epidemiologjike.

Rastet me linë e majmunëve, që është infeksion viral, janë paraqitur në Afrikë, Shtetet e Bashkuara, Evropë dhe Izrael. Deri më tani janë raportuar mbi 100 raste.

“Po ashtu, IKSHPK ka përpiluar dokumentin e parë, me rekomandime dhe masa për institucionet shëndetësore sa i përket sëmundjes së lisë së majmunëve, i cili është shpërndarë të gjitha institucioneve shëndetësore në vend, dhe do të përditësohet me të dhënat e reja”, thuhet në njoftimin për medie.

Instituti po ashtu ka bërë me dije se për këtë virus nuk ka vaksinë të posaçme.

Por, shtetet si Mbretëria e Bashkuar po përdorin vaksinën kundër lisë për të imunizuar punonjësit e kujdesit shëndetësor.

Lia e majmunëve mund të shkaktojë ethe dhe dhimbje, dhe kryesisht shfaqet me puçrra të fryra të kuqe.
Sipas ekspertëve shëndetësorë, shumica e njerëzve shërohen plotësisht nga ky virus për dy deri në katër javë.

Lajme të sponsorizuara

Të fundit
Daut Dauti Para disa ditësh BKCC (British-Kosovar Chamber of Commerce:…