Inteligjenca ukrainase ka publikuar së fundmi në rrjetet sociale të dhënat personale, duke përfshirë adresat e shtëpisë dhe përbërjen e familjes, të dy komandantëve rusë, Valery Solodchuk dhe Alexander Dvornikov.

I pari udhëhoqi operacionin e trupave ruse për të kapur Kievin nga perëndimi, ndërsa ushtaraku i dytë rus ofensivën për të shkatërruar Mariupolin, shkruan a2cnn.

“Ministria e Mbrojtjes e Ukrainës mori të dhëna për kriminelët rusë të luftës që i përkisnin stafit më të lartë komandues, duke ndjekur me vetëdije urdhrat e regjimit të Putinit për të shkatërruar shtetin ukrainas”, thuhet në komunikatën e inteligjencës, e cila u postua në Facebook.