Lionel Messi tek Interi? Për transmetuesin argjentinas TNT Sports nuk është aspak një fantazi futbolli. Drejtuesit zikaltër sipas gazetarit Castilla, po punon realisht për të sjellë yllin argjentinas të Barcelonës në Milano.

Nuk është një ëndërr. Leo ka ofertë edhe nga Newell’s Old Boys për t’u kthyer në vendlindje, por Inter po nxiton gjithçka për të bërë realitet atë që ka thënë Morati. Ka një tratativë konkrete, vendimi më pas do i përkasë Lionel Messi.

Interi nuk po punon vetëm në këtë front, teksa synojnë edhe një tjetër argjentinas Thiago Almada. Futbollisti 19-vjeçar i cili aktivizohet në skuadrën e Velez, po shkëlqen. Për të Interi duhet të paguajë 25 milionë euro.