Vëllaznimi i Gjakovës po vazhdon me rezultate të shkëlqyera në Ligën e Parë të futsallit, duke regjistruar fitoren e nëntë në dhjetë ndeshjet e zhvilluara deri më tani.

Kësaj radhe, skuadra gjakovare triumfoi në udhëtim ndaj FC Lipjanit, në një ndeshje me plot gola, e cila përfundoi me rezultat 6:4 në favor të Vëllaznimit.

Me këtë fitore, Vëllaznimi vazhdon të mbajë pozitën e dytë në tabelën e klasifikimit, pas liderit Vitia, duke dëshmuar formë të shkëlqyer dhe ambicie të qarta për të vazhduar garën për kreun e tabelës.

Golat për skuadrën gjakovare në këtë përballje i realizuan:

• Gëmb Kaqi ⚽️⚽️
• Mentor Mejzini ⚽️
• Driton Hana ⚽️
• Bajram Azizi ⚽️
• Arbër Dobroshi ⚽️

Me nëntë fitore në dhjetë ndeshje, Vëllaznimi po dëshmon se është një nga skuadrat më të forta të kampionatit, ndërsa rrugëtimin në garat e futsallit kosovar po e vazhdon me hapa të sigurt.