Paratë e kontributdhënësve kosovarë u tkurren për 161 milionë euro, në gjashtë muajt e parë të këtij vitit.

Kaq është humbja nga investimet e Fondit të Kursimeve Pensionale të Kosovës (FKPK), në tregjet e jashtme, sipas raportit mujor informativ të Bankës Qendrore të Kosovës (BQK), të muajit korrik.

Jeton Demi, zëdhënës për media në Trust, pati thënë për Buletinin Ekonomik se deri më datën 29 gushtit për vitin 2022, dy portofolet kryesore investuese kanë pasur këto lëvizje:

“Portofoli Standard ka shënuar ulje për -3.67%, ndërsa Portofoli Konservativ ka shënuar kthim pozitiv  prej +1.77%”.

Nga Trusti theksojnë se këto janë lëvizje vetëm periodike, ndërsa mbetet të shihet se si do të rrjedhin ngjarjet deri në fund të vitit.